Kafolat

- servis kitobchasi va Ekspluatatsiya qilish bo‘yicha yo‘riqnomada nazarda tutilgan avtomobil ekspluatatsiyasi, parvarishi va/yoki texnik xizmat ko‘rsatish shartlari va qoidalari buzilganda (amal qilinmaganda), shu jumladan, Servis kitobchasi talablariga muvofiq rasmiy xizmat ko‘rsatish stansiyalarida texnik ko‘rikdan o‘tkazilmasa (o‘z vaqtida o‘tkazilmasa), aniqlangan nuqsonni bartaraf etish uchun avtomobil o‘z vaqtida olib kelinmasa, nosozlik belgilari mavjud bo‘lganda ham avtomobil ekspluatatsiya qilinsa va bu nuqson yuzaga kelishi yoki nosozlik (nuqson)ning oshishiga olib kelsa;

- dasturiy ta'minotga, zavod sozlamalariga, elektron boshqaruv bloklarining parametrlariga o‘zgartirishlar kiritilsa va bu nuqson yuzaga kelishiga (bevosita yoki bilvosita) sabab bo‘lsa yoki nosozlik (nuqson)ning oshishiga olib kelsa;

- odometr ko‘rsatkichidagi bosib o‘tilgan masofa yoki ishlab chiqaruvchi o‘rnatgan boshqa qurilmalardagi ma'lumotlar ruxsatsiz o‘zgartirilsa;

- mexanik ta'sir, shu jumladan yo‘l-transport hodisasi natijasida kuzovning tutib turuvchi elementlariga yetkazilgan, chunonchi, iste'molchi tomonidan avval bartaraf etilgan shikast, agar bu nuqson yuzaga kelishiga (bevosita yoki bilvosita) sabab bo‘lsa yoki nosozlik (nuqson)ning oshishiga olib kelsa;

- gaz ballonli uskuna o‘rnatilsa, avtomobilning standart komplektatsiyasiga kiruvchi uskunalar bundan mustasno, agar bu nuqson yuzaga kelishiga (bevosita yoki bilvosita) sabab bo‘lsa yoki nosozlik (nuqson)ning oshishiga olib kelsa;

- avtomobil tizimlarining boshqaruv elementlari, avtomobil interyeri va eksteryerining qismlari va uzellari (o‘chirib-yoqish va o‘zgartirish tugmalari, rul chambaragi, dastaklar, tutqichlar va boshqalar yuzalari) ishqalanishi va deformatsiyasida;

- avtomobilning funksional xususiyatlari, uzellari va agregatlarining ishlashiga ta'sir qilmaydigan tovushlar, shovqin, chiyillash yoki vibratsiyada;

- butlovchi qismlar, uzellar, agregatlar yoki umuman transport vositasini demontaj qilish, qismlarga bo‘lish va ta'mirlash, ishlab chiqaruvchi tomonidan vakolat berilmagan tashkilotlar tomonidan har qanday qo‘shimcha uskunalar, aksessuarlarni o‘rnatish, shuningdek, avtomobil konstruksiyasiga o‘zgartirishlar kiritish bevosita yoki bilvosita sabab bo‘lishi mumkin bo‘lgan nosozliklar va shikastlanishlar bo‘lsa va bu nuqson yuzaga kelishiga (bevosita yoki bilvosita) sabab bo‘lsa yoki nosozlik (nuqson)ning oshishiga olib kelsa;

- avtomobil qismlari, uzellari va agregatlaridagi nosozliklar va nuqsonlar, agar ishlab chiqaruvchining ularga qo‘ygan identifikatsiya belgisi bo‘lmasa yoki unga shikast yetgan bo‘lsa.

- ishlab chiqaruvchining vakolatli tashkiloti tomonidan aniqlangandan keyin bartaraf etilmagan yoki o‘z vaqtida bartaraf etilmagan nosozliklar, shuningdek, ishlab chiqaruvchi vakolat bermagan tashkilotlarda avtomobil bilan bog‘liq ishlarni bajarish natijasida yuzaga kelgan nosozliklar.

- ishlab chiqaruvchi vakolat bermagan, ya'ni uning rasmiy dilerlik tarmog‘iga tegishli bo‘lmagan tashkilotlarda amalga oshirilgan ta'mirlash yoki texnik xizmat ko‘rsatish, original bo‘lmagan ehtiyot qismlar, materiallarni ishlatish va ishlab chiqaruvchi tavsiya etgan ta'mirlash usullariga rioya qilmaslik natijasida yuzaga keladigan nosozliklar.

- ishlab chiqaruvchi tomonidan tavsiya etilmaydigan yoki sifatsiz ekspluatatsiya materiallari, moylar, yoqilg‘ilardan foydalanish, shuningdek, ekspluatatsiya uchun zarur suyuqliklar tanqisligida ham avtomobilni ekspluatatsiya qilishda davom etish natijasida yuzaga kelgan nosozliklar. Ekspluatatsiya uchun zarur suyuqliklarining ular darajasi pasayishiga olib kelmaydigan izlarining paydo bo‘lishi ("terlash").

- tashqi yoritish moslamalarining ichki yuzasida va avtomobilning boshqa yopiq bo‘shliqlarida tabiiy jarayonlar natijasida namlik kondensatsiyalanganda.

- avtomobilning sarflanadigan komponentlari, shu jumladan yoqilg‘i-moylash materiallari va avtomobilning barcha tizimlari ekspluatatsion suyuqliklari, oynatozalagich cho‘tkalari, saqlagichlar, filtrlar, lampalar, o‘t oldirish shamlari, uzatma tasmalari va tegishli roliklar, shinalar, tormoz kolodkalari, disklar va barabanlar.

- mexanik, kimyoviy, issiqlik yoki boshqa tashqi ta'sirlar natijasida yuzaga kelgan nosozliklar va shikastlar, quyidagi hollarda:

yo‘l-transport hodisalari, zarblar, tirnalishlar, toshlar va boshqa qattiq narsalar tegishidan qolgan izlar, do‘l, uchinchi shaxslarning harakatlari;

atmosfera tarkibidagi ifloslantiruvchi moddalar, yo‘l yuzasi muzlashini oldini olish uchun ishlatiladigan vositalar, kimyoviy faol moddalar va o‘simliklardan olingan moddalar, shuningdek hayvonlar chiqindilarining ta'siri;

avtomobilni boshqarishda yo‘l qo‘yilgan noto‘g‘ri harakatlar, notekis yo‘l qoplamalarida ehtiyotsizlik bilan haydash yoki ruxsat etilgan normadan ortiq va avtomobil qismlariga, jumladan, transmissiya detallari, osma tizim, rul boshqaruvi, avtomobil kuzoviga haddan ortiq yuklanish tushadigan qilib yuk tashish;

fors-major holatlari (chaqmoq, yong‘in, suv toshqini, zilzila, harbiy harakatlar, terroristik hujumlar va boshqalar).

Avtomobilda aniqlangan nosozliklar bo‘yicha yakuniy qaror sotuvchi, ishlab chiqaruvchi yoki ishlab chiqaruvchining vakolatli tashkiloti tomonidan qabul qilinadi.